|
Overvaking av havforsuring i Møre og Romsdal
Havforsuring er eit problem som aukar som resultat av at CO2-utslepp til atmosfæren blir tatt opp av havet og omdanna til karbonsyre. Forsuringa kan føre til at mange kalkhaldige organismar på sikt kan få problem. Dette gjeld både planteplankton, dyreplankton, korall og mange andre typar organismar.
Det er sett i gang nasjonal og internasjonal overvaking av havforsuring. Miljøutvalet i Møre og Romsdal Fylke gjorde 8. mars 2011 vedtak der det blir rådd til at vitskaplege data blir henta inn frå vårt fylke. Utvalet peikar på Runde Miljøsenter (RMS) som aktuell lokalitet for dette.
RMS søkte om midlar frå Møre og Romsdal fylke for å setje i gang innsamling og analysering. Prosjektet er viktig for å få meir kunnskap om emnet, men er og strategisk viktig for å få til at nasjonale og internasjonale overvakingsprogram for havmiljø også omfattar Møre og Romsdal.
MÅL
- Starte målingar av havforsuring utanfor Møre og Romsdal i 2011
- Etablere RMS som lokalitet og partnar i nasjonal og internasjonal miljøovervaking.
- Bygge opp kontaktnett mellom RMS og nasjonale og internasjonale forskingsinstitutt
- Bygge opp regional kompetanse
- Formidle kunnskap om havforsuring
Prosjektet vart starta opp i april 2011. Les meir
|
