|
Gratis søndagsforedrag på Runde
Miljøsenter
31. oktober 2010:
Forfattar
Ole M. Ellefsen fortel om ulykker til sjøs.
Ole M. Ellefsen held gratis søndagsforedrag 31. oktober 2010.
Foto:Roger Engvik
Søndag 31.oktober 2010 inviterer vi igjen til gratis
foredrag kl. 15 ved
Runde Miljøsenter.
Tema blir eitt som mange i regionen vil vere spesielt interesserte
i: Ulykker til sjøs.
Ole M. Ellefsen er til dagleg styrar ved Aalesund Museum.
Men han er også forfattar, og har skrive fleire bøker
om kystens folk og livet på og ved havet. I 2004 kom
boka om Ole Brude og mannskapet hans si strabasiøse
ferd over Atlanterhavet i det såkalla “Brude-egget”,
verdas første overbygde livbåt. Båten
er i dag utstilt ved Aalesund Museum.
Ellefsen har også skrive om folk og levemåte
ved Hustadvika, og ikkje minst: “Farleg ferd”,
som handlar om mange av dei tragiske forlisa ved den lunefulle
Sunnmørskysten. Det blir mest det siste han vil fortelje
om ved Runde Miljøsenter søndag 31. oktober.
Ikkje berre om Akerendam og Arisan, men også om andre
forlis, om godt sjømannskap, mannsmot og handlekraft
i kamp mot naturkreftene.
Det sjølvsagt blir høve til å kjøpe
signerte bøker av forfattaren. Det nærmar
seg jul...
Ellefsen er ein engasjert og dyktig forteljar, dette
trur vi blir veldig kjekt! Kafeen er open med middagsservering
frå kl. 13. Vel møtt!
|
