|
Frå NRK til Runde Miljøsenter
06. september 2010
May Britt Haukaas. Foto: Stig Morten Waage
May Britt Haukås er tilsett som prosjektleiar formidling
ved Runde Miljøsenter frå 16. august 2010. Hovudarbeidsområdet
er det planlagde opplevings- og informasjonssenteret, der
Rundeskatten blir ein del av innhaldet.
Dei siste 18 åra har Haukås jobba i NRK Møre
og Romsdal, der ho mellom anna har hatt ansvaret for det
populære innringingsprogrammet Naturtelefonen. Ho har
også vore programleiar i Norge Rundt, og har gitt ut
to bøker med historier frå Naturtelefonen. Ho
har no eitt års permisjon frå NRK.
Formidling av kunnskap om miljøet på og utanfor
fugleøya er ei viktig oppgåve ved Runde Miljøsenter. Å halde
foredrag om dette blir ein del av jobben til Haukås,
og også å vise fram bygget og orientere om dei
miljøvennlege løysingane. Runde Miljøsenter
er eit Enova forbildeprosjekt.
|
